- Sual Cavab
- Pedaqoji heyətin bilik və bacarıq səviyyəsinin test üsulu ilə müəyyənləşdirib üzə çıxarılması.
- Bilik və bacarıqlarının diaqnostik qiymətləndirilməsi aparılan heyətin həftəlik dərs yükü normasının optimallaşdırılmasının, aylıq vəzifə maaşlarının artırılmasının və maddi rifahının yaxşılaşdırılmasının təmin edilməsi.
- Nəticələrdən asılı olaraq heyətin inkişafyönümlü təlimlərə cəlb edilməsi.
-Müəllimlərin bilik və bacarıqlarının diaqnostik qiymətləndirilməsinin may ayında Bakı şəhərində keçirilməsi nəzərdə tutulur.
- Diaqnostik qiymətləndirilmədə Təhsil Nazirliyi sisteminə daxil olan ümumi təhsil müəssisələrində əsas iş yeri olaraq əmək müqaviləsi əsasında işləyən müəllimlər, gənclərin çağırışaqədərki hazırlıq rəhbərləri, direktor, direktor müavinləri, məktəbdənkənar və sinifdənxaric işlər üzrə təşkilatçılar, həmçinin yerli təhsili idarəetmə orqanlarında dövlət qulluğu və metodist vəzifələrində çalışanlar iştirak edə bilər.
- Müəllimlərin diaqnostik qiymətləndirilməsində iştirak könüllü xarakter daşıyır.
- Sosial məzuniyyətdə olan müəllimlər diaqnostik qiymətləndirilmədə iştirak edə bilərlər.
-İki və daha artıq fəndən tədris aparan müəllimlər diaqnostik qiymətləndirilmədə yalnız bir fəndən imtahan verə bilərlər.
-Ümumi təhsil müəssisələrində çalışan və iki ixtisasa malik olan müəllimlər ikinci ixtisasları üzrə də qiymətləndirmədə iştirak edə bilərlər. Müvafiq ixtisaslı pedaqoji kadr çatışmazlığı səbəbindən müəllimə diaqnostik qiymətləndirmədən keçdiyi ixtisas üzrə verilmiş dərs saatlarından əlavə diaqnostik qiymətləndirmədən keçmədiyi ixtisas üzrə, eləcə də məzmun və mahiyyət etibarilə yaxın fənlər üzrə dərs saatları verilərsə, bu zaman əməkhaqqı artımı bütün dərs saatlarına şamil edilir.
- Diaqnostik qiymətləndirilmənin aparılması Təhsil Nazirliyi tərəfindən mərkəzləşdirilmiş qaydada proqram təminatı tətbiq olunmaqla test üsulu ilə həyata keçiriləcəkdir.
- Qiymətləndirmə zamanı iştirakçılara ixtisas üzrə ümumi təhsil proqramına uyğun 40, metodika üzrə ümumi olaraq 20 test tapşırığı verilir.
-Hər bir düzgün cavab 1 balla qiymətləndirilir.
-İmtahanlarda səhv cavablandırılmış suallar düzgün cavablandırılmış sualların balına təsir etmir.
-Namizədlərə test imtahanının yerinə yetirilməsi üçün 90 dəqiqə vaxt ayrılır.
-Namizədlərdən imtahana gələrkən şəxsiyyətini təsdiq edən sənədi özləri ilə gətirmələri tələb olunur.
-İmtahanlarda aşağı bal toplayan və ya keçid balını toplamayan namizədlər növbəti diaqnostik qiymətləndirilmədə iştirak edə bilərlər.